ممكن آخد فكره
عن لمسة ايديكي
عن طريقتك ف الكلام
عن لون عينيكي
ضحكتك..صوتك ..
وهما خمس دقايق
مش حاطول عن كده
أكتر عليكي
فيه كلام جوايا نفسه
يتحكيلك
فيه حنين عاش جوه قلبي
بيناديلك
كنت عايز نص فرصه
عشان اجيلك
أوصف الصوره اللي كنت
راسمها ليكي
عارف انه طلب غريب
أو ماليش الحق فيه
جاي من واحد لا هوه
يعرفك ولا تعرفيه
بس لو حسيتي قلبي
استحاله تكسفيه
عالعموم برضه انتي حره
واعملي اللي انتي تشوفيه
بقلم الشاعر / محمود عبد الله
